Sport

Futsal reprezentacija Crne Gore porazom od Slovenije ,završila je nastup u glavnoj rundi kvalifikacija za Svjetsko prvenstvo.

Gosti su u dvorani hotelskog kompleksa ,,VOCO“ slavili rezultatom 4:1 i tako nanijeli našoj selekciji četvrti poraz u grupi 5.

"Rano smo primili prvi gol, zatim iz greške primili i drugi, a to kvalitetna reprezentacija kao što je Slovenija ne propušta da kazni. Imali smo nakon toga i nekoliki pogođenih prečki i stativa, međutim, lopta u tim trenucima nije htjela u mrežu. Nije nas iznenadila Slovenija, više smo sami sebe pobijedili. Završili smo nastup u ovoj fazi kvalifikacija, u kojoj je i samo igranje bilo uspjeh, koji nijesu postigle ni neke mnogo veće i jače reprezentacije od nas", kazao je selektor Sveto Ljesar.

Gol za Crnu Goru dao je Lazar Kostić,a za Slovence Teo Turk,Jure Suban,Klemen Dučak i Žiga Čeh.

 foto: FSCG