Sport

Iznenada nas je, u 47. godini, napustio Ivan Boroe, dugogodišnji igrač i član VPK “Primorac”.

Bio je dijete Primorca, nastupao za sve mlađe selekcije našeg kluba, početkom 90-tih bio je kapiten omladinske ekipe i prvotimac. Nakon prestanka bavljenja vaterpolom pratio je i svim srcem bodrio voljeni klub.
 
Ivan je bio sjajan sportista, omiljeni drug i saigrač, a iznad svega bio je veliki čovjek. Primjer ljubavi, odanosti, požrtvovanosti, prema svome gradu, klubu, prijateljima i porodici. Blag u ophođenju, stamen u navijanju – na bazenu i na tribinama, uvijek i neraskidivo dio Primorca.
 
Njegovim preranim odlaskom VPK “Primorac” je ostao bez dragog i iskrenog prijatelja i vjernog navijača.

S ponosom i ljubavlju čuvat ćemo ga od zaborava.

Neka počiva u miru.

Vaterpolo plivački klub “Primorac” Kotor