Sport

Futsal reprezentacija Crne Gore savladala je Estoniju na startu međunarodnog turnira u Poreču.

Nakon velike borbe, naš tim slavio je rezultatom 4:3.

Estonija je povela u 7. minutu pogotkom Denisa Vnukova iz kaznenog udarca. Pet minuta kasnije izjednačio je Balša Bojanović, da bi preokret donio Luka Vuletić u 23. minutu. Ubrzo je Bojanović povećao prednost Crne Gore, međutim, rival se vratio golovima Raula Manija i Raula Rebanea.

Ipak, pobjedu je osigurao Vuletić u pretposljednjem minutu meča.

- Jako zanimljiva i neizvjesna utakmica. Diktirali smo ritam sve vrijeme, bili bolji rival do par minuta prije kraja. Tada smo ušli u probleme, povukli se na našu polovinu bez ikakve potrebe i dozvolili protivniku da izjednači. Međutim, uspjeli smo da se trgnemo i nakon lijepe akcije golom Vuletića dosli do zaslužene pobjede, rekao je selektor Sveto Ljesar.

Sljedeći rival Crne Gore je Malta, taj meč na programu je sjutra od 16 časova.

Tekst i foto FSCG