Servisne informacije

Prvo jesenje izdanje “Čuvara sna” je posvećeno tekstopiscu Marini Tucaković, koja je nedavno preminula u 67. godini poslije teške bolesti.

Marina je rođena u Beogradu 1953. godine gdje je završila Ekonomski fakultet. Sa devetnaest godina počela je da se bavi pisanjem tekstova za pjesme, uglavnom pop (kasnije i folk) žanra, od kojih su mnoge u domenu pop kulture postale i ostale veliki hitovi.

Karijeru tekstopisca počela je sarađujući s grupom „Zana“, za koju je napisala hit „Dodirni mi kolena” koji je doživio brojne prepjeve i po kojem je i danas svi najviše pamte. Pisala je stihove za brojne izvođače: Slađanu Milošević, Olivera Mandića, Nedu Ukraden, Zdravka Čolića, Masima Savića, Biseru Veletanlić, grupu “Magazin”... Ovoj listi se pridružuje i poduži spisak folk izvođača kojima se kasnije okrenula. Važila je za najvećeg hitmejkera u bivšoj Jugoslaviji, napisavši više od 4.000 pjesama.

U ovom izdanju podsjetićemo se nekih pop hitova iz osamdesetih za koje je Marina napisala stihove.

Čuvare sna priprema Saša Karajović.