Ekonomija

Pijačni dan u Risnu protiče uobičajenom dinamikom, a kako se može vidjeti na fotografijama koje smo zabilježili rano jutros, bogata ponuda ni ove nedjelje nije izostala, uprkos kiši.

Krtola se prodaje po cijeni od 1 do 1,5 eura po kilogramu, cvekla i mrkva po 2,5 eura, karfiol i brokoli po 4 eura, kilogram kupusa od 1,20 do 2 eura, zelena salata 3 eura, paradajz 3 eura, luk 1,5 eura, paprike 2,5 eura, dok česan košta 8 eura po kilogramu.

Svježe urbane masline prodaju se po cijeni od 3 eura za kilogram.

Veza žućenice je 2 eura, koprive 1 euro, a peršuna 0,5 eura.

Kada je riječ o voću, mandarine se prodaju po cijeni od 2,5 eura, grožđe 4 eura, jabuke 2 eura, kruške 3 , a dunje 1,5 euro po kilogramu.

Ove nedjelje na risanskoj pijaci bila je u ponudi i sitna riba, kao i sardela, po cijeni od 5 eura po kilogramu.

Cijena meda iznosi 18 eura, dok se litar domaćeg soka može kupiti po cijeni od 6 do 7 eura, a biljni čajevi po 3 eura.

Kada je riječ o suhomesnatim proizvodima, za kilogram kobasica od mangulice potrebno je izdvojiti 18 eura, dok pršut košta 23 eura po kilogramu.

U ponudi su i različite vrste sireva, čije se cijene kreću od 8 eura po kilogramu, dok kilogram kajmaka iznosi 17 eura. Masline se prodaju po 7 eura, a za litru domaćeg maslinovog ulja potrebno je izdvojiti 13 eura.

Domaća jaja koštaju od 0,30 do 0,35 eura po komadu, dok je cijena litra domaćeg kravljeg mlijeka 2 eura.

Na risanskoj pijaci mogu se kupiti i domaći pšenični, heljdin, ražani ili kukuruzni hljeb, čija se cijena kreće od 1,5 eura. Kilogram priganica košta 10 eura, a domaći kolači 3,5 eura po pakovanju.

Jutros je na pijaci bila bogata i ponuda cvijeća.

Tekst i foto: Tamara Vuković