Društvo
VRIJEDNA DONACIJE FIRME MONDO VERDE PARKU U PRŽICAMA
Firma D.o.o. "Mondo Verde" iz Radanovića, donirala je potpuno hortikulturno uređenje parka u Pržicama, a isto je obuhvatilo košenje trave, te donaciju i sadnju biljnog materijala.
Ovom prilikom posađeno je čak četrdeset osam sadnica, među kojima su maslina, lipa, javor, smrča, hrast, čempres, jabuka, kruška, višnja i druge.
Vrijednost donacije je nešto viša od dvije hiljade eura.
U parku se nalazi dječje igralište, pa će djeca pored igre moći da uživaju u ovoj zelenoj oazi, a kako među sadnicama ima i voćki uskoro će se njime moći i osvježiti.
Iskreno se nadamo da će posjetioci uživati u parku ali i znati očuvati ovaj prostor.
Direkcija za uređenje i izgradnju Kotora se zahvaljuje gospodinu Milovanu Jakšiću koji je sam inicirao ovu akciju i njegovoj firmi na lijepoj donaciji.
(saopštenje Direkcije za uređenje i izgradnju Kotora)