Društvo

U objektu „Voli Horeca Centar“ u Radanovićima večeras je oko 18 sati i 25 minuta izbio požar.

Kako je za Radio Kotor kazao komandir Službe zaštite i spašavanja Maksim Mandić, povrijeđenih nije bilo, a materijalna šteta je značajna. U gašenju požara intervenisalo je deset vatrogasaca koji su na lice mjesta izašli sa četiri vozila.

„Vatra je izbila u kuhinji, u dijelu objekta u kojem su smješteni kapaciteti za zaposlene. Brzo smo je stavili pod kontrolu i obavili pretragu čitavog objekta. Uzrok požara za sada je nepoznat“, kazao  je Mandić.