Društvo

Praznični dan na kotorskoj Gradskoj pijaci protiče bez većih gužvi, a ponuda je raznovsna, kako se to može vidjeti i na fotografijama koje smo zabilježili.
Prodavci su nam kazali da danas, kada se po julijanskom kalendaru obilježava Badnji dan, broj kupaca nije povećan, te da se najviše kupuju badnjaci, koji se prodaju po cijeni od 1 do 2 eura, dok je cijena pšenice 2 eura.
Na pijaci je bila i raznovrsna ponuda cvijeća, a mogla se kupiti i mimoza i to po cijeni od 3 eura za buket.

Badnji dan se obilježava uz posnu trpezu, pa su se na pijaci mogle pazariti i suve smokve i to za 10 eura po kilogramu, a masline su koštale 6 eura. Cijena pomorandži bila je 1,5 eura, blitve i salate 3, kupusa 1,5, karfiola 4, raštana 3, dok je 10 komada domaćih jaja koštalo 4 eura. U ponudi su bile i jagode, za koje je trebalo izdvojiti 7 eura.  

Kada je u pitanju riba, najveća potražnja vladala je za oradom i brancinom čija je cijena od 9,6 eura po kilogramu, lignje su koštale 22, raža 7,5 eura, grdoba 15, san pjer 10, a list 8 eura.
Gruj se prodavao po cijeni od 12 eura po kilogramu, koliko je koštala i tuna, a za kilogram luca moralo se izdvojiti 15 eura.   


Tekst i foto: Biljana Marković