Društvo

Na gradskim grobljima Škaljari i Vrbice već duže vrijeme nema slobodnih grobnih mjesta, a ne postoji ni mogućnost proširenja prostora.

O lokaciji Sveti Ivan u Dobroti govori se već niz godina, ali će ovaj posao, prema riječima direktora Komunalnog Milana Popovića, sigurno biti višegodišnji.
„Projekat izgradnje ukupno 2.000 grobnih mjesta na lokaciji Sveti Ivan u Dobroti je ozbiljna investicija čija će realizacija potrajati“- kaže Popović za Radio Kotor navodeći da je tehnička dokumentacija gotovo spremna.
„Ostalo je još nekoliko nedoumica u vezi sa visinskim kotama i eksproprijacijom nekoliko parcela koje su u privatnom vlasništvu. Sve je skoro spremno za raspisivanje tendera nakon čije bi realizacije bio izabran najpovoljniji ponuđač pa bi Kotorani po završetku posla dobili mogućnost da rezervišu grobno mjesto na groblju Sveti Ivan“ – rekao je Popović gostujuću u programu Radio Kotora.