Društvo

Parking na prostoru nekadašnje garaže “Autoboke” koji je trebalo da počne sa radom sredinom jula, mogao bi biti u funkciji najkasnije za desetak dana, rečeno nam je u Komunalnom preduzeću.

Kako navode, ovih dana će se raditi na ugradnji parking sistema.

Podsjetimo, cijena parkinga će biti osamdeset centi po satu za putnička vozila, a po danu će se obračunavati cijena parkinga za kombi vozila za što je potrebno izdvojiti 15 eura, za kampere 20 eura, a za autobuse 60 eura po danu.

Komunalno preduzeće upravlja parkinzima na rivi, na Benovu i parkingom “Puč” kod stadiona FK “Bokelj”.

Kapacitet parkinga na rivi je 87 mjesta, od kojih je 12 rezervisano za taksi vozila. Cijena parkinga za putnička vozila po satu je 90 centi, a za kombi vozila tri eura. Kapacitet parkinga na Benovu je 180 mjesta. Za sat vremena parkinga za putnički automobile potrebno je izdvojiti 80 centi, za kombi 1, 5 eura, a za kamper i kombije sa dvanaest plus sjedišta cijena je tri eura po satu.

Kapacitet parkinga “Puč” je 16 mjesta za autobuse i 50 za automobile. Cijena parkiranja po satu za automobile je 80 centi, za kombi vozila 15 eura po danu, za kampere 20 eura za dan, a autobuse 60 eura po danu.

foto Radio Kotor