Društvo

Tekst i foto: Biljana Marković            

Na gradskoj pijaci danas nešto niže cijene pojedinih vrsta voća i povrća, u odnosu na minulu sedmicu.     Tako kilogram jagoda košta 4 eura (prošle subote 5 eura), dok se paprika babura može kupiti za 3,5 eura.                

Cijene voća su na svim štandovima mahom su iste. Kivi košta 2 eura, koliko i domaći limun, jabuka 1,5, kruška 2, a lubenica, uvoz iz Grčke, 5 eura.                 Što se tiče povrća, kilogram kupusa bijelog je 1 euro, luk crmnički je 2, 5, češnjak 6, mlada blitva košta 2 eura, reckava salata, spanać mladi luk , paradajz, krastavac su 3, tikvica 2,5, dok balancane  koštaju 3,5 eura.     

Na štandu gdje se mogu pazariti domaći sokovi na razblaživanje - drenjina, aronija i malina, po cijeni od 6 eura za litar,  ima i sremuša, koji po kilogramu košta 1,5 eura. (Kako nam je objasnila prodavačica, u pitanju je divlja biljka, koja raste uglavnom u hladovini, a konzumiraju je mahom osobe koje žele da ojačaju svoj imunitet). Žućenica košta 3 eura, vezica kostrike je 1 euro, koliko je i vezica šparoge. Kilogram crnih, grčkih maslina je od 6 do 8, koliko je barska žutica. Za litar domaćeg maslinovog ulja potrebno je izdvojiti od 12 do 15 eura. Mladi sir barski košta 9, a litra domaćeg kravljeg mlijeka 2 eura.     

Deset komada kokošijih jaja košta 4 eura.   

Na peškariji se danas može kupiti i rumbač, čija cijena po kilogramu je 22 eura, te hobotnica za 16 eura.     

Bogata je i ponuda cvijeća. Turski karanfilići, u zavisnosti od veličine, kreću se od 2 do 4 eura, a muškatle 2 odnosno 3 eura. 

U susret Uskrsu, ima i saksijske pšenice koja koša 1 euro.