Društvo

Jutros smo zabilježili više poziva naših sugrađana koji su pitali zašto su im računi za smeće enormno visoki.

Jedna slušateljka Radio Kotora nam je kazala da joj račun za neplaćeno smeće iznosi 1000 eura, što je, kaže, nevjerovatno. I drugima su nešto manji  iznosi za uslugu odvoženja smeća.  

“Obračunati tekući mjesečni računi za odvoz komunalnog otpada za građane je ispravan i tačan, a programerskom greškom softverske firme iz Niša, greška je je evidentirana na računu u dijelu iznosa koji prikazuje prethodni dug duplo, što se odrazilo i na ukupan dug” – rečeno nam je u Komunalnom.

Svi građani koji su se interesovali lično ili telefonski, upoznati su, kako navode, sa stvarnim stanjem duga te da će greška biti ispravljena na računima za mjesec februar 2022.godine.

“Ovakve greške se u sistemima sa preko 11.000 korisnika  dešavaju, te molimo građane za razumijevanje za nastanak istih” – poručuju iz Komunalnog.