Društvo

03.02.2025

1256

DANAS JE TRIPUNDAN, KULT SVECA NA OVIM PROSTORIMA 1.212 GODINA

U Kotoru se danas proslavlja Sveti Tripun, zaštitnik Kotorske biskupije i grada Kotora.

Nakon pohvala Sveti Tripunu-loda, duhovne pripreme- trodnevnice, te jučerašnje Kandelore, danas će biti služene svete mise, a počasnu stražu pored njegovih moštiju u katedrali držaće mornari-kopljanici.

Podsjetimo, kult Svetog Tripuna prisutan je na ovim prostorima 1.212 godina.

Rođen u gradu Kampsadi (Mala Azija) u tadašnjoj rimskoj provinciji Apamei, u hrišćanskoj porodici.

Po predanju, poštovanje sveca započelo je nakon mučeničke smrti u Niceji, gdje mu je suđeno pred prefektom cijele Male Azije Akvilinom (za vrijeme vladavine rimskog imperatora Decija).

Tijelo Svetog Tripuna, nakon smrti, preneseno je u Kampsadu, odatle u Carigrad, a iz Carigrada u Kotor.

Foto: Radio Kotor / B.M.