Arhiva

Požar na brdu Sveti Ilija iznad Perasta još uvijek nije ugašen.
Kako nam je kazao Krsto Žmukić iz peraškog Dobrovoljnog vatrogasnog društva „Bogoljub Brezić" ekipe su od jutros na terenu i rade sve kako bi spriječile širenje požara. „Veliku gradsku uzbunu smo dali jutros u 6.30 i od tada su kotorski i peraški vatrogasci, mještani i dobrovoljci na terenu" – kaže
Žmukić. On navodi i da su se oko podneva u mjestu Mioča Ploče začule jake detonacije. „Mještani kažu da se vjerovatno radi o zaostalim bombama ili granatama iz Drugog svjetskog rata, a detonacije su toliko jake da su se čule i u Risnu . Stoga je situacija veoma kompleksna, pa gasimo gdje i koliko možemo. Iščekujemo i pomoć Sektora za vanredne situacije i vjerujem da će nam protivpožarna avijacija pomoći da se požar ne spusti prema magistrali" – rekao nam je Žmukić (oko 13 sati).