Arhiva

Opštinska javna ustanova "Muzeji" Kotor, Muzej grada Perasta organizuje predavanje pod nazivom „Mletački falkonet" koje će u tamošnjem muzeju biti održano večeras sa početkom u 19 sati.

Gost predavač biće Elvira Sorić, doktorantica doktorskog studija "Povijest stanovništva" Sveučilišta u Dubrovniku.

„Među bogatom zbirkom oružja, od hladnog (mačevi, jatagani, sablje) do vatrenog (puške, kubure, topovi) u Muzeju grada Perasta čuva se i top tipa falkonet, koji je poznat kod Peraštana kao zelenko, po boji patine koja ga je prekrivala vjekovima. Top je poklon mletačkog Senata Peraštanima, kako bi se učili pucati", priča je koju smo naslijedili koju prenosimo posjetiocima.
Sorić će, kao navode, predstaviti ovaj top kao predmet od izuzetne vrijednosti i kao jedini tipa falkonet sačuvan na istočnoj obali Jadrana.

"Za ovaj predmet, koji datira iz 16.vijeka, sa sada već izvjesnijim livničarima i elementima koji ga dovode u red veoma cijenjenog i nažalost sada malo očuvane vrste vatrenog oružja, možemo sa ponosom konstatovati da će biti uvršten u red kulturnih dobara od nacionalnog značaja", navode organizatori.